ລັດຖະບານ, ອົງການຢູນິເຊັບ ສັນຍາຈະຫຼຸດຜ່ອນຄວາມທຸກຍາກໃນທຸກຮູບແບບສຳລັບເດັກນ້ອຍ
(ຂປລ) ລັດຖະບານລາວ, ອົງການຢູນິເຊັບ, ຮອງເຈົ້າແຂວງ, ຂະແໜງເອກະຊົນ, ອົງການຈັດຕັ້ງສົງຄົມສົງເຄາະ, ບັນດາຄູ່ຮ່ວມພັດທະນາ ແລະ ເດັກນ້ອຍ ໄດ້ເຕົ້າໂຮມກັນໃນມື້ນີ້ (11 ພະຈິກ) ທີ່ນະຄອນຫຼວງວຽງຈັນ ໃນກອງປະຊຸມລາວໃນຍຸກ 2030 ເພື່ອສະເຫຼີມສະຫຼອງວັນສ້າງຕັ້ງສົນທິສັນຍາວ່າດ້ວຍສິດທິເດັກ (CRC) ຄົບຮອບ 30 ປີ.
“ເດັນນ້ອຍຄືຜູ້ນຳໃນອະນາຄົດ ແລະ ຈະເປັນຕົວຂັບເຂື່ອນ ສປປ ລາວ ໄປສູ່ຄວາມຈະເລີນສີວິໄລ. ໂດຍການສົ່ງເສີມສິດທິເດັກ ແລະ ການລົງທຶນໃນເດັກນ້ອຍໃນມື້ນີ້, ຈະສາມາດຮັບປະກັນອະນາຄົດອັນສົດໃສ ທີ່ບໍ່ສະເພາະແຕ່ສຳລັບເດັກເທົ່ານັ້ນ, ແຕ່ເພື່ອປະເທດຊາດບ້ານເມືອງໂດຍລວມ,” ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວ.
ໂຕະຂ່າວ ຂປລ
